Kreditin rəsmiləşdirilməsi və digər bank prosedurlarının daha operativ təşkili üçün artıq Bank BTB-dədə elektron arayışdan istifadəyə başlanılması üçün zəruri texniki-texnoloji işlər başa çatmışdır. Bu işlərin təşkili "Elektron Hökümət” portalının Operatoru - Rabitə və Yüksək Texnologiyalar Nazirliyinin Məlumat Hesablama Mərkəzi və Bank BTB arasında imzalanmış müqavilə əsasında baş tutmuşdur.

Elektron hökümət portalında qeydiyyatdan keçmiş və ya Portalda avtorizasiya üçün digər vasitələrə malik olan vətəndaşlar bu gündən etibarən onlayn rejimdə internet olan istənilən məkandan kredit sifarişi üçün banka müraciət edə bilərlər. Qeyd edək ki, kreditin rəsmiləşdirilməsi üçün iş yerindən arayışı bankın filiallarından da əldə etmək mümkündür. İlkin mərhələdə bu xidmətdən bankın 5 filialında yararlanmaq mümkünolacaq. Bunun üçün vətəndaş yalnız şəxsiyyət vəsiqəsi ilə bankın müvafiq filialına yaxınlaşmalıdır. Qısa zamanda bankın bütün xidmət şəbəkəsinin bu xidmətə qoşulması planlaşdırılır.

Elektron arayış vətəndaş tərəfindən "Elektron hökümət” Portalı vasitəsilə formalaşdırılan elektron sənəddir. Elektron arayış aşağıdakı üstünlüklərə malikdir:

-Iş vaxtına bağlılığın olmaması. Elektron arayışı sutkanın istənilən vaxtı əldə etmək mümükündür;

-Vaxta qənaət. Operativlik. Arayışı əldə etmək üçün bir neçə təşkilata baş vurmağa ehtiyac qalmır. Arayış Portal vasitəsilə asanlıqla formalaşdırılır və lazımi ünvana elektron şəkildə göndərilir;

-Şəffaflıq. Vətəndaş məmur münasibətlərinin minimuma endirilməsi;

-Məlumatların dəqiqliyi. Arayış dövlət informasiya ehtiyatlarının məlumatları əsasında formalaşır;

Hal-hazırda Portalın operatoru növbəti mərhələ kimi elektron arayışlardan istifadə sahələrinin genişləndirilməsi və müxtəlif istiqamətlər (ehtiyyaclar) üzrə elektron arayışların verilməsi üçün işləri davam etdirir.