Azərbaycan Respublikası Nəqliyyat, Rabitə və Yüksək Texnologiyalar Nazirliyinin tabeli qurumu “AzInTelecom” MMC-nin fəaliyyət istiqamətlərindən biri də telekommunikasiya vasitələri və qurğularının sertifikatlaşdırılmasıdır.

"Elektron hökumət" portalında Nəqliyyat, Rabitə və Yüksək Texnologiyalar Nazirliyinin xidmətləri arasında mövcud olan bu xidmət telekommunikasiya vasitələri və qurğularına uyğunluq sertifikatı verilməsi üçün müraciətlərə baxılması, tələb olunan sənədlərin qəbul edilməsi və telekommunikasiya vasitələri və qurğularının qarşılıqlı telekommunikasiya şəbəkəsinə (QTŞ) uyğunluğu barədə sertifikatın verilməsinə dair xidmətlərin göstərilməsindən ibarətdir.

Qeyd olunan xidmətdən istifadəni bir qədər də asanlaşdırmaq məqsədi ilə sertifikatlaşdırma xidmətinə sorğu prosesi tam olaraq elektronlaşdırlımış və elektron hökümət portalında telekommunikasiya vasitələri və qurğularının sertifikatlaşdırılması üçün nəzərdə tutulmuş elektron müraciət xidməti yenilənərək istifadəyə verilmişdir. Bunun nəticəsində artıq telekommunikasiya vasitələri və qurğularının sertifikatlaşdırılmasına fiziki qaydada müraciət etmədən, vaxt itkisinə məruz qalmadan, hətta "Elektron hökumət" portalından qeydiyyatdan keçmədən portalın Nəqliyyat, Rabitə və Yüksək Texnologiyalar Nazirliyinə məxsus bölməsindəki elektron xidmətlər siyahısından “Telekommunikasiya vasitələri və qurğularına uyğunluq sertifikatının verilməsi” xidmətinə daxil olaraq serttifikatlaşdırılma xidmətinə müraciət etmək mümkündür. Elektron xidmətin yenilənmiş formasında tələb olunan sənədlər azaldılmış və xidmətdən istifadə daha da sadələşdirilmişdir.

"Elektron hökümət" portalında telekommunikasiya vasitələri və qurğularının sertifikatlaşdırılması üçün nəzərdə tutulmuş elektron müraciət xidməti ilə bağlı yaranacaq suallarla bağlı ““AzInTelecom” MMC-nin Sertifikatlaşma departamentinin müştərilərlə əlaqələr şöbəsindən məlumat ala bilərsiniz. (Tel: 012 498 18 61 (daxili 2170), 012 200 01 70, e-mail: certificate@azintelecom.az)