Son günlər Sinqapurun Statistika Departamenti hökumətin açıq məlumatlar portalına (data.gov.sg)  5000 yeni məlumat bazası yerləşdirmişdir. Departamentdən verilən məlumata əsasən, "Smart  Cəmiyyət yaratmaq mərhələsində daha çox məlumat bazasını ictimaiyyətin istifadəsinə vermək hökumətin məqsədinə uyğundur" prinsipi əsas götürülərək bu addım atılmışdır və gələcəkdə də davam etdiriləcək.

İstifadəyə verilmiş məlumat bazaları “vətəndaşlar” və “iqtisadiyyat” kimi iki geniş sahə üzrə 123 mövzunu əhatə edir. Açıq edilmiş yeni məlumat bazaları məhsulların və xidmətlərin növləri üzrə aylıq məişət xərclərinin təsnifatı, ibtidai və orta məktəblərin səviyyə və yaş dövrü üzrə qeydiyyata alınması və s. məsələləri əhatə edir.

Bildirildiyinə görə, açıq edilmiş məlumat bazaları, həmçinin, hökumətin statistik veb saytında (singstat.gov.sg) yerləşdiriləcək. Bununla, hökumətin statistik veb saytında yayınlanan məlumat bazalarının sayı 12.000-ə çatdırılmış olacaq.

Qeyd edirik ki, Elektron Hökumətin və açıq hökumət məlumatlarının inkişaf səviyyəsinə görə Sinqapur dünyada aparıcı yerlərdən birini tutur.