Elektron imza kartlarından istifadə edənlərin sayı artmaqdadır. Belə ki, Rabitə və Yüksək Texnologiyalar Nazirliyinin Məlumat Hesablama Mərkəzi tərəfindən ötən ilin dekabr ayı üçün  dövlət qurumları üzrə 664, fiziki şəxslər üzrə 134, hüquqi şəxslər üzrə isə 248 elektron imza sertifikatı istifadəyə verilmişdir. Cari ilin yanvar ayı ərzində isə bu göstərici dövlət qurumları üzrə 1004, fiziki şəxslər üzrə 46, hüquqi şəxslər üzrə isə 224 olub.

01.02.2016-cı il tarixinə olan statistikaya əsasən isə dövlət qurumları üzrə 48594, fiziki şəxslər üzrə 15872, hüquqi şəxslər üzrə isə 13820 elektron imza sertifikatı istifadəyə verilib. Ümumilikdə isə bu günə qədər RYTN-nın  Məlumat Hesablama Mərkəzinin Milli Sertifikat Xidmətləri Mərkəzi tərəfindən təqdim olunan e-imza sertifikatlarının sayı 78510-a çatıb.

Qeyd edək ki, 2015-ci il ərzində 4 milyondan artıq sənəd elektron imza kartları vasitəsilə imzalanmışdır.